Trydaru v Trydar – oes ots?

Fe gafwyd dadl led-danllyd ynghylch y berf(enw) cywir yn Gymraeg am y gair sy’n disgrifio’r weithred o adael sylw ar Twitter cwpl o wythnosau yn ôl.

Sylwadau Berwyn Rowlands ar Radio Cymru a sbardunodd y ffrae fach ryw fore dydd Gwener bythefnos neu dair wythnos yn ôl. Fe ddefnyddiodd Berwyn, yn ddigon naturiol, y gair ‘trydaru’ sawl gwaith wrth adolygu’r papurau ar y Post Cyntaf ac fe wnes i ei ganmol am hynny ar y pryd ar Twitter, ond yn rhy frwdfrydig mae’n debyg.

Yn ystod y misoedd diwethaf rwyf wedi clywed nifer o bobl llawer mwy huawdl yn y Gymraeg na minnau yn defnyddio’r gair newydd hwn – bardd, cynrychiolydd o’r IWA, ac eraill.Felly nid mater ohonof i yn unig yn ceisio defnyddio’r gair yw e.

Dyma’r mathau o sylwadau a welwyd ar y we yn sgil sylwadau Berwyn:

“Berwyn Rowlands yn gwneud defnydd da iawn o’r gair ‘trydaru’ ar @bbcradiocymru #trydaru #twitter

— colinnosworthy        (@colinnosworthy) March 23, 2012

“RT @owen_garry trydar! trydaru!! Trafodwch! > o ni’n meddwl mae trydar oedd yn iawn? Ond dwi ddim yn hollol hyderus…

— Steffan Powell (@SteffanPowell) March 23, 2012

“trydar! trydaru!! Trafodwch! — Garry Owen (@owen_garry) March 23, 2012

“@owen_garry trydar= tweetingtrydaru= twittering felly ma’n dibynnu ar safon y cynnwys. Fi’n trydaru rwts fel arfer trydar n gall weithiau

— Chris Castle (@CestyllChris) March 23, 2012

Wrth edrych yn ôl, rwy’n difaru’r agwedd ddi-flewyn ar dafod yn y ddadl honno. Wrth gwrs, mater digon dibwys yw hwn, ond yn bersonol, rwy’n gwrthod yr agwedd sy’n cyhuddo pobl o fod yn gwbl anghywir un ffordd a’r llall. Rwyf wedi dewis defnyddio ‘trydaru’ oherwydd ei fod wedi dod allan o’m ceg heb feddwl amdano fe, yn bersonol credaf y dylen ni groesawu geiriau Cymraeg newydd yn dod i fodolaeth. Ond yn yr achos yma, gadewch i ni adael pawb at y peth y bo.

Y Financial Times, allan o gysylltiad

Mae rhaid i fi gyfaddef, prynais i’r FT ddoe am y tro cyntaf ers oesoedd. Yn y brifysgol, roedden ni’n arfer cael pob papur newydd yn y boreau ac, erbyn hyn, rwy’n dechrau colli’r hen ddyddiau hynny, gan fod modd pori trwy bob erthygl mewn amryw o gyhoeddiadau am y rhai mwyaf difyr.

Ta waeth, tra bod prif ddarn newyddion y papur yn dda iawn, mi ges i fy nychryn gan erthygl yn y cylchgrawn gan Robert Shrimsley (gyda llaw, enw ei golofn wythnosol ydy’r “national conversation”). Dyma beth ddywedodd e’r wythnos yma:

“You can see it in the gaunt faces; the furtive looks; the sudden reluctance of friends to speak openly; once-chatty mums strangely reluctant to pass on helpful advice. Yes, entrance exam season is upon us. For some it’s an 11+ and the hope of a grammar school place; for the others it’s private school. Oh, the perils of pushy parenthood! …. Across the country, middle-class parents are going through the same rituals. “

Nid yw’n galw fy hunan yn ddosbarth gweithiol, ond wrth ddarllen y golofn hon sylweddolais y fath o fywyd mae’r hanner arall yn ei fyw.

Amen

Amen

gwelwch yn glir

y testun o’ch blaenau

y cymoedd gyda chapeli

llawn Beiblau ar stepen y drws

ond pregeth ddibwrpas

hunanol, yn eich arwain

i nun lle

ond dioddefaint

meddwl, ar goll

aneglur, ond mwydro

ymlaen, tad annwyl

ymlaen, i’r tywyllwch

dienaid

nofio’n rhydd

mewn llanw

syniadau di-dduw

ond nid dyna pam

fe ddown ar ddydd Sul

Cynaliadwyedd versus y ddamcaniaeth o fantais cymharol

Cynaliadwyedd v y ddamcaniaeth o fantais cymharol

Trafodwch.

Dau o’r Bae – Paul Flynn be?

Mae Paul Flynn AS yn cefnogi annibyniaeth!? Dyna beth wedodd e yn ei gyfraniad i’r rhifyn hwn o Dau o’r Bae – 32 munud mewn.

Paul Flynn AS: “Mae gennyn ni’r slippery slope oedd pobl yn siarad amdano.”
Vaughan Roderick: “A rydych chi’n ddigon hapus gyda hynny, ydych chi?”
Paul Flynn AS: “Rwy’n hapus dros ben i fod ar y slope, i annibyniaeth, efallai, gobeithio [bydda i'n] byw yn ddigon, am flynyddoedd, i weld e…”

Tagiau: annibyniaeth, cefnogi, Llafur, Paul Flynn

Porth Gofod Cymru?

Yn fuan iawn, fe fydd porth gofod cyntaf y byd yn agor yn New Mexico. Mae’n un o’r prosiectau mwyaf cyffrous yn y byd technolegol ar hyn o bryd (yn fy marn fach i o leiaf). Dyma sut fydd e’n edrych yn ôl gwefan Virgin Galactic:

Mae Virgin eisoes wedi sefydlu nifer o bartneriaethau o gwmpas y byd o le maen nhw’n bwriadu rhedeg eu gwasanaethau. Ac yn Ewrop,  Sweden yw’r lleoliad arfaethedig ar gyfer eu porth gofod. Ond a oes gobaith dwyn busnes oddi wrthynt? Oni fyddai hwnna yn ddefnydd gwell o hen safle milwrol St Athan, yn y Fro, na hyfforddi’r fyddin? Byddai’n rhoi Cymru reit ar y blaen mewn un o feysydd mwyaf cyffrous y ganrif hon.

Tagiau: Cymru, New Mexico, Porth Gofod, space port, Wales

Hei Mr Urdd!